Mga programa para sa mga estudyanteng high school

Wala pa sa wastong gulang para makaboto? Puwede pa rin kayong makilahok sa mga eleksyon!

Programa para maging Embahador ng mga Eleksyon

Kung kayo ay estudyante sa isang High School sa San Francisco, maaari kayong mag-apply para maglingkod bilang isang Embahador ng mga Eleksyon. Nagsisilbi ang mga Embahador sa mga linggo para sa High School Voter Education sa Abril o Setyembre. Kailangan munang dumalo ng lahat ng mga embahador sa isang kinakailangang sesyon ng pagsasanay. Pagkatapos ng pagsasanay, gumagawa at nagpapatupad ang bawat embahador ng outreach plan upang makatulong sa pagpaparehistro ng mga elihibleng nasa wastong gulang na at sa paunang-pagpaparehistro ng mga elihibleng edad 16 at 17 taong gulang. Ang panahon para sa pagsumite ng aplikasyon para sa programa para maging Embahador ng mga Eleksyon sa High School sa Tagsibol sa 2024 ay bukas na. Para mag-apply, kumpletuhin ang High School Elections Ambassador Application

Ang lahat ng mga matagumpay na kalahok sa programa para maging Embahador ng mga Eleksyon ay makatatanggap ng katibayan ng paglahok na pirmado ng Mayor ng San Francisco, tukoy na mga oras para sa community service program na maisasali sa mga aplikasyon para sa kolehiyo, at makakukuha ng mahalagang karanasan sa pag-o-organisa sa komunidad kasama ang Departamento ng mga Eleksyon ng San Francisco.

Paunang pagpaparehistro ng botante

Kung kayo ay 16 o 17 taong gulang, maaari ninyong kompletuhin ang isang papel o online na form ng pagpaparehistro ng botante ngayon. Sa inyong ika-18 na kaarawan, gagawin naming aktibo ang rekord ninyo bilang botante at papadalhan namin kayo ng liham ng kumpirmasyon. Magsisimula rin kaming magpadala sa inyo ng mga opisyal na materyales pang-eleksyon.

Paglilingkod bilang manggagawa sa botohan

Kung kayo ay hindi bababa sa edad 16 taong gulang sa susunod na Araw ng Eleksyon, maaari kayong mag-apply upang maglingkod bilang isang manggagawa sa botohan. Ang paglilingkod bilang manggagawa sa botohan ay magandang tignan sa aplikasyon para sa kolehiyo o resume. Makatatanggap din kayo ng bayad na aabot sa $245. Para mag-apply, kumpletuhin ang High School Poll Worker Application.

Humingi ng tulong

Department of Elections

1 Dr. Carlton B. Goodlett Place
City Hall, Room 48
San Francisco, CA 94102

Phone

Fax: 415-554-7344
TTY: 415-554-4386

中文: 415-554-4367
Español: 415-554-4366
Filipino: 415-554-4310

Last updated March 15, 2024